Nanghagis giunay sa armas

CEBU, Philippines – Patay ang usa ka 39-anyos nga nag-amok human kini naunay sa iyang armas nga nailog kaniya sa iyang nakalalis sa may Sitio Upper Kantisang, Barangay Paril ning Dakbayan sa Sugbo Huwebes sa gabii.

Ang nakalas mao si Pedro Oliverio samtang ang mga mamumuno mao sila si Ed Escoto, ug Lucrisio Ybañez. Base sa inisyal nga imbestigasyon nag-inom ang biktima kuyog sa mga suspek ug mga silingan apan nagkalalis sila si Oliverio ug Ybañez.

Giingong nanghagis ang biktima ug nikuha og wala matinong armas hinungdan nga nagdinumogay sila ug nailogan sa iyang armas ug mao na hinuoy giunay kaniya. Matud pa ni Senior Inspector Alvin Llamedo, hepe sa Talamban Police Station nakaikyas na ang mga mamumuno pag-abot nila didto.

Nakuha sa crime scene ang unom ka cartridge cases, upat ka basiyo sa bala ug usa ka magazine gikan sa tuong bulsa sa biktima. (/IBM)(BANAT NEWS)