Suspetsadong tulisan nasignit
CEBU, Philippines – Usa ka suspetsadong tulisan ang nasikop atol sa pagpahigayon og surveillance sa kapolisan kagahapon sa buntag diha sa Sitio Mansueto, Barangay Bulacao, Dakbayan sa Talisay.
Ang nasikop mao si Ruel Mariano Campo, 34-anyos, minyo, taga Corner Peguiroa C. Padilla, Siyudad sa Sugbo.
Si Superintendent Marlu Conag, hepe sa kapolisan sa Dakbayan sa Talisay nibutyag nga nagpahigayon ang iyang mga sakop og surveillance diha sa nahisgutang lugar labot sa ilang kampaniya batok ginadiling drugas ug nabantayan si Campo nga nagbarugbarog nga nagdala og kutsilyo.
Matud pa ni Conag nga naghuwat og biktimahon si Campo hinungdan nga gisignit na dayon kini sa iyang mga sakop.
Naimbargo gikan kang Campo ang usa ka kutsilyo nga dunay gitas-on nga pito ka pulgada ug tunga ug drug paraphernalia. (/BDB)(BANAT NEWS)
- Latest
