Eddigul nabalaka sa mga insidente sa pagpamusil
CEBU, Philippines – Si Mayor Eduardo Gullas sa Dakbayan sa Talisay ug ubang opisyal sa siyudad gibati og kabalaka sa mga sunodsunod nga insidente sa pagpamusil.
Ug matud ni Gullas nga base sa iyang mga nabasahan sa mga nigawas nga balita daghan na ang mga insidente sa pagpamusil ang natala lakip na sa Dakbayan sa Talisay.
Usa na niini pagpabanhig patay sa tulo ka binilanggo sa Talisay City Jail ug ang pagbanhig patay kang Konsehal Art Stephen Bas sa Barangay Lagtang.
Hinuon si Gullas nipadayag nga dako ang iyang pagsalig sa kapolisan sa siyudad ubos sa liderato ni Superintendent Marlu Conag.
Si Gullas niawhag nga unta mopahigayon pa gyud og subsob nga imbestigasyon ang kapolisan aron mahatagan og hustisya ang kamatayon ni Bas.
Si Bas ang gipatay samtang nagmaneho sa iyang sakyanan diha sa Cebu South Coastal Road (CSCR)) sa Barangay Cansojong niadtong Hulyo 20 niining tuiga.
Si Bas anak sa kanhi kapitan sa Lagtang nga si Mark Ferdinand “Dindin” Bas nga nalakip sa narcolist ni Presidente Rodrigo Duterte. (/BDB)(BANAT NEWS)
- Latest
