Mabatid modangop sa op
CEBU, Philippines – Modangop si Mabolo Barangay Captain Niña Mabatid sa Office of the President aron paesplikaron si Cebu City Mayor Tomas Osmeña sa pagsulod niini sa voting area atol sa eleksiyon sa Association of Barangay Councils niadtong Lunes nga giingong gidili.
Ni-boycott ang kampo ni Mabatid atol sa piniliay tungod sa ilang pagkwestiyon sa presensiya ni Osmeña nga ilang gihulagway nga nakapahadlok sa mga kapitan.
Giklaro ni Mabatid nga dili drama ang ilang pag-boycott sukwahi sa pamahayag ni Osmeña tungod kay ang 19 ka kapitan nga kaalyado sa mayor aduna nay commitment ngadto kaniya apan dunay nahitabo usa ka adlaw sa wala pa ang eleksiyon.
Giingong gihiposan ang mga kapitan sa usa ka lugar diin walay kontak ang mga cellphones.
“Yes we’re heading to that direction but that’s not the most important thing, the important thing is kana bang ma-justify lang to iyang pagsulod sa function room kay as I said na-intimidate ko how much more the BOPK captains,” matud ni Mabatid.
Suportado ni Bise Mayor Edgardo Labella ang plano ni Mabatid sa pagdangop sa Office of the President nga maoy haum nga buhatan nga sang-atan sa reklamo batok sa usa ka opisyal sa dakung siyudad. (/GMR)(BANAT NEWS)
- Latest
