PDEA naghimo og linaing imbestigasyon sa Rallos’ slay

CEBU, Philippines — Ang Philippine Drug Enforcement Agency 7 mohimo og kaugalingong imbestigasyon kabahin sa kamatayon sa ilang Assistant Chief of Operations nga si Earl Rallos gawas sa gihimo na karong imbestigasyon sa kapolisan.

Ang  pangulo sa PDEA 7 nga si Emerson Margate miingon nga parallel investigation ang ilang buhaton.

“Sa amin din may ginagawa din kaming investigation sa sarili natin at titingnan natin kung parehas ba o may ibang anggulo na nakita kami na wala sila, pagtatagpiin po natin ‘yun para malaman talaga kung ano po ‘yung totoo,” si Margate nagkanayon.

Sama sa polis, ang anggulo sa trabaho ug sa drugas usab ang gisubay sa PDEA 7 sa maong imbestigasyon.

Sumala pa niya sama sab sa gibuhat sa kapolisan gihingusgan sab nila ang ilang internal cleansing gani ubay-ubay na ang iyang napataktak.

“Grabe po ang internal cleansing. Kung ako mabalitaan ko na kunting report lang tinatanggal ko na talaga. Marami na pong pina-transfer dahil nga sa may mga reports. Kino-confirm din natin to. Humingi din tayo ng report sa other intel report units kung totoo nga,” matud pa sa maong direktor.

Sa pasiunang imbestigasyon sa Cebu City Police Office-Police Station 2, pinangulohan sa ilang hepe nga si Police Chief Inspector Maria Theresa Macatangay, duha ka mga lalaki nga nag-angkasay og motorsiklo nga nakuha sa Closed Circuit Television  ang mibanhig kang Rallos samtang kini natanggong sa traffic diha sa dalan Villalon sa Barangay Capitol Site.

Sumala pa ni Macatangay sa Banat News nga gitahasan sa Police Regional Office 7 ang direktor sa CCPO nga si Senior Supt. Royina Garma nga maoy mangulo sa maong SITG.

Ang deputy chief sa maong estasyonan nga si Police Inspector Greg Ybiernas mibutyag sa Banat News nga gawas sa pag-examine kon shabu ba gyud ang nakuha gikan sa sakyanan ni Rallos, nag-request sila gikan sa PNP Crime Lab og bullet trajectory ug macro etching sa sakyanan, autopsy, paraffin test ug drug and urine test gikan sa biktima.

Ipaubos usab nila sa Digital Forensic Examination ang cellphone ni Rallos sa PNP Anti-Cybercrime Group ingon man pagsubay sa Firearms Explosive Office sa kampo Crame kon lisensyado ba ang usa ka kalibre .45 nga armas, .9 mm pistol ug usa ka M4 rifle sa sakyanan ni Rallos.

Samtang giklaro ni Margate nga walay pagtugot gikan sa ilang opisina nga magdala og drugas si Rallos human dunay nakitang gidudahang drugas sa sakyanan niini.

Matud niya bisan siya gidid-an pagdala og drogas kon walay pagtugot gikan ni PDEA Director General Aaron Aquino.

“Kung hindi ‘yan galing sa nahuli or operation or wala kang order na magdala, kahit ako nga ho, eh, dapat authorized ako ng director general na magdala ng drugs. Sa mga regional office kung magdadala sila papuntang court or papunta sa national office for further examination dapat meron ka pong order niyan,” pagklaro ni Margate.

Gisusi na sa PNP Crime Lab kon drugas ba gyud ang nakuha gikan sa sakyanan ni Rallos.

Niadtong buwan sa Hunyo niining tuiga gipasidunggan si Rallos isip Employee of the Year sa PDEA ug na-promote pagka Investigation Agent 3. Duha ka lakang na lang para mahimong assistant regional director sa PDEA. (BANAT NEWS)