Naghikog natoltolan tungod sa iro
CEBU, Philippines – Tungod sa paggiya sa usa ka iro nakit-an ang patay nga lawas sa 21-anyos nga lalaki kinsa dul-an sa upat ka adlaw na nga gipangita gikan sa pagbiya sa ilang panimalay sa Purok Kawang, Barangay Mainit, Dakbayan sa Naga.
Si Aldrin Baldesco, ulitawo ug residente sa maong lugar, ang gituohang nagkutlo sa iyang kinabuhi.
Base sa pakisusi sa kapolisan nga niadtong Hulyo 22 sa ala una sa hapon nilakaw ang biktima dihang nagkainitay sa iyang kaluha tungod sa wala matino nga rason ug wala na kini mouli.
Sumala pa ni Chief Inspector Roderick Gonzales, acting chief sa Naga City Police Station, nga human sa tulo ka adlaw nga pagpangita ang iro maoy nitultol sa maguwang sa namatay kinsa nagbitay pa sa kahoy nga adunay higot ang liog. (/GMR)(BANAT NEWS)
- Latest
