Paghulip kang Alvarez gikalipay ni Osmeña

CEBU, Philippines – Gikalipay gyud ni Cebu City Mayor Tomas Osmeña nga nahulipan na isip House Speaker sa Ubos Balay Balauranan si Davao del Norte 1stDistrict Representative Pantaleon Alvarez human ang mga magbabalaod mibotar pabor sa pagpalagpot kaniya niadtong adlaw’ng Lunes nga mao sab ang pagbukas sa 17th Congress sa ilang 3rd regular session.

Si Alvarez gihulipan ni kanhi presidente ug karon Pampanga Rep. Gloria Macapagal Arroyo.

Si Osmeña mihulagway nga usa sa iyang ‘wish’  pagsaulog sa iyang ika-70 nga adlaw’ng natawhan (Hulyo 26) nga matangtang si Alvarez.

Gihulagway niya nga si Alvarez maoy yawe sa gahom nga gihuptan karon nila ni Presidential Assistant for the Visayas Michael Dino ug Deputy House Speaker Gwendolyn Garcia.

Naglaom si Osmeña nga suportahan ni Arroyo ang mga Sugboanon kay siya lang ang bugtong presidente sa nasud kaniadto nga mihurar atubangan sa mga Sugbuanon.

“She’s very close to the people of Cebu. She won’t forget that. Personally we’re also very close because we have been ‘barkada’ like teenage days and not only that her father late President Diosdado Macapagal is my ninong in confirmation so she is my ‘igso’ something like that,” matud ni Osmeña.

Dili ganahan ang mayor kang Alvaez kay giingong nituo kini kang Dino pagsupak sa Cebu Bus Rapid Transit. Si Osmeña miingon ang PDP-Laban nagsalig lang sa kasikat ni Presidente Duterte.

“I’m not worried about PDP-Laban especially now. First of all, Duterte is not active in PDP-Laban, number two his own daughter hates PDP-Laban. Number three, this Senate President Koko Pimentel the President of PDP-Laban is no longer the Senate President and now Alvarez which is from PDP-Laban is no longer Speaker of the House, so PDP-Laban is just another party, to me nevermind the other party, the most important thing is the welfare of the people of Cebu,” dugang sa mayor.

Samtang si Vice Mayor Edgardo Labella nga maoy Presidente sa PDP-Laban Cebu City miingon nga kon mao kini ang pagbuot sa majority angayan kini respetaran.

Si Bise Gobernador Agnes Magpale sa iyang bahin nagtuong dili makaapektar sa gubernatorial race sa probinsya sa Sugbo ang pagkatudlo kang Arroyo isip House Speaker. Si 3rd District Representative Gwendolyn Garcia kinsa nagplano nga moatbang kang Gobernador Hilario Davide III sa mid-term elections sunod tuig giingong suod ni Arroyo.

Matud ni Magpale, anaa ra sa mga Sugboanon kon kinsa ilang pilion. (Le Phyllis F. Antojado /IBM)(BANAT NEWS)