Team Rama mabuak?
CEBU, Philippines — Ang Barug Team Rama PDP Laban councilors mipasalig nga magpabilin silang usa ka partido bisan pa og si Vice Mayor Edgardo Labella ug kanhi mayor Michael Rama gustong magpapili isip mayor sa umaabot nga 2018 eleksyon.
Si Konsehal Joel Garganera mibutyag sa Banat News nga imposible nga mabuak ang ilahang grupo.
“No, at the end of the day, we’ll be fielding only one candidate as mayor... We have more days para filing sa COC (Certificate of Candidacy),” matud pa niya.
Niadtong adlawng Sabado, si Labella mideklarar nga magpapili siya isip mayor ubos sa Partido Demokratiko Pilipino Lakas ng Bayan nga konektado sa lokal niyang partido nga Barug Team Rama.
Gawas nga kaalyado siya sa PDP Laban, siya usab ang natudlo nga pangulo sa PDP Laban Cebu City Chapter.
Apan bisan paman sa deklarasyon ni Labella wala mausab ang desisyon ni Rama nga modagan pagkamayor ug malaumon siyang makigpares gihapon kaniya si Labella. Si Konsehal Renato “Junjun” Osmeña Jr. hugot ang pagtuo nga dili mabuak ang grupo.
“It’s a political exercise, they are both entitled to. I believe our group will stay as one come election day for the best interest of Cebu and its people,” sigon pa niya.
Si Konsehal Jose Daluz III miingon usab nga wala magpasabot nga nakasuway na o kasamtangang naglingkod mao na gyud ilang pilion. Matud niya silang tanan sa partido maoy modesisyon.
“Our group will always be consultative being essence of democracy and that there is no guarantee to any position just because you are incumbent or you’ve been there once. Otherwise, wala ta’y kalainan sa kaatbang nga usa ra ang tingog,” matud pa niya.
Apan kon si Konsehal Pastor “Jun” Alcover Jr. maoy pasultihon “may posibilidad” nga mabungkag ang ilang grupo apan si Rama gihapon iyang suportahan.
“Dako og posibilidad but I’m prepared for that scenario. Daghan ko og option, possible sad mopahulay nako sa hugaw nga politika,” saysay pa ni Alcover.
Si Mayor Tomas Osmeña miingon nga grand plan kini sa oposisyon sa umaabot piniliay. (BANAT NEWS)
- Latest
