Tiguwang nangisyu og illegal swertres giposasan
CEBU, Philippines – Gidakop sa kapolisan ang usa ka senior citizen kay nasakpan kini nga nangisyu og numero alang sa ilegal swertres didto sa Sitio Kimba, Barangay San Roque, Talisay City niadtong Biyernes sa gabii. Ang dinakpan nga si Bartolome Candidisimo, 62, nagpuyo ra sa maong lugar, nakuhaan sa kapolisan og mga ebidensya sama sa lainlaing kombinasyon sa numero, stab, ball pen, ug P280 nga iyang halin.
Matud ni SPO1 Erwin Carbonquilo sa Talisay City Police Station nga nakadawat sila og tawag labot sa ilegal nga kalihokan sa suspek hinungdan nga ilang girespondehan.
Nakit-an gyud nila nga ang senior citizen nagsuwat sa kombinasyon sa numero alang sa swertres. Nahibaw-an nga misiaw pag-ayo ang illegal swertres operation sa Talisay City.
Ang tiguwang gitanggong karon sa bilanggoan ug pasakaan siya’g kaso sa hukmanan ugma. (/RUB)(BANAT NEWS)
- Latest
