Bawal ang estambay
CEBU, Philippines — Panakpon na subay sa mando ni Presidente Rodrigo Duterte ang mga estambay diha sa kadalanan ilabi na kon lawom na ang gabii alang sa seguridad sa publiko.
Base sa report sa Philstar.com kaning ubang mga estambay mga durugista ug mga kriminal diin ang uban eskandoloso kaayo kay maghubohubo diha sa kadalanan ug manghasol sa uban hinungdan sa mahitabong mga kasamok ug makaamong pa gyud sa mga ‘law abiding citizens.’
Atol sa press conference kagahapon si PNP Chief Director General Oscar Albayalde nagtuong adunay positibong epekto sa komunidad kon way mag-estambay sa kadalanan.
“Di naman talaga maganda na naka estambay tayo sa gabi. Lalong lalo na sa mga delikadong lugar. This is for their safety also kasi baka mamaya mapagkamalan ‘yan sa mga kritical na lugar.
May dumaan na police, mamaya pagkamalan ka d’yan (nga kriminal). This is all for everybody’s good. Hindi ito para kung kani-kanino lang,” sigun pa ni Albayalde.
Matud pa niya adunay mga ordinansa sa mga local nga kagamhanan ug kinahanglan lang ipatuman.
Giklaro hinuon niyang dili dakpon diretso ang mga first time offenders kay hatagan sila og tsansa nga mamauli sa ilaha, apan kon mousab kasohan na sila.
“Remember may napo-post pa nga sa social media na pinapa-push up na lang for first offenders kasi naaawa din naman tayo sa kanila dahil ‘pag nakulong iyan, and will be fined, I think ang mga minimum niyan P350 hanggang depende sa city,” dugang ni Albayalde. (/IBM)(BANATNEWS)
- Latest
