Usbaw nga P20 sa suholan aprub

CEBU, Philippines — Ang Regional Tripartite Wages and Productivity Board-7 niaprubar sa bag-ong umento sa sweldo sa mga minimum wage earners sa Central Visayas.

Matud pa ni Jose Tomongha, usa sa mga labor representatives sa wage board nga ilahang nadesisyunan ang P20.00 matag adlaw nga pagsaka sa sweldo alang sa mga trabahante nga naa nagtrabaho sa Class A nga siyudad ug munisipyo. Samtang P15.00 matag adlaw ang pagsaka sa sweldo sa mga trabahante nga nagtrabaho sa Class B,C ug D nga mga siyudad ug munisipyo.

Ingon man P10.00 matag adlaw ang pagsaka sa sweldo sa mga trabahante nga nagtrabaho sa mga establisamento nga adunay ubos napulo ka mga trabahante.

"Lain lain ang increase kay depende sa economic condition sa lugar," matud pa ni Tomongha.

Ang Class A (gilangkuban kini sa siyudad sa Carcar, Cebu, Danao, Lapu-Lapu, Mandaue, Naga, Talisay, ug munisipyo sa Compostela, Consolacion, Cordova, Liloan, Minglanilla, San Fernando o Expanded Metro Cebu)  Ang Class B (gilangkuban kini sa siyudad sa Toledo, Bogo,  ug ang tanang munisipyo sa Cebu Province gawas sa Bantayan ug Camotes Islands)

Ang Class C (gilangkuban kini sa tanang siyudad ug munisipyo sa Bohol ug Negros Oriental Provinces).

Ang Class D (gilangkuban kini sa tanang munisipyo sa Siquijor Province ug ang tanang munisipyo sa Bantayan ug Camotes Islands).

Ang wage board mag- finalize pa sa wage order karong Hunyo 18, 2018.

"After the drafting of the new wage order, we will submit it to the National Wage and Productivity Commission for approval. Once they approved it, it will be forwarded to us then we will published it in a newspaper of general circulation then the new wage order will took effect 15 days after publication," matud pa ni Alvin Villamor, ang chairman sa RTWPB-7. (BANAT NEWS)