Way benepisyo
CEBU, Philippines — Si Sinas miingon nga dili makadawat og benepisyo ang nailo nga pamilya ni Hortezuela tungod sa gibuhat niini.
“Di ibig sabihin maski pa gago ka, nag shabu ka, subject ka sa buy bust pag mamatay ka tagaan ka nato og benipsiyo.
No! No honors, nothing will be given from this headquarters. That is a good signal to our people that we will not tolerate. Crime does not pay,” dugang bahad ni Sinas.
Si Wilfredo Hortezuela, 54, amahan sa maong polis nangayo og hustisya sa kamatayon sa iyang anak kinsa iyang gihulagway nga buotan ug maayong tawo.
“Kung naay (si Raymund) dakpon lang unta. Mangayo lang mi og hustisya bahala og way madawat,"si Wilfredo miingon.
Matud pa niya nga dili tinuod ang mga gipasangil sa polis batok sa iyang anak.
“Kung kwartahan akong anak, di na manghuwam og kwarta nako," matud sa inahan sa maong polis.
Hangtod karon di kadawat ang pamilya sa rason nganong gikinahanglan pang patyon ang ilang anak.
Si Hortezuela, lumad nga taga Dakbayan sa Mandaue, migraduwar sa University of Cebu sa kursong Criminology ug nakasulod sa Philippine National Police isip Police Officer 1 niadtong tuig 2006 .
Giingong nag-lateral entry kini niadtong 2012 ug nahimong opisyal.
Kamaguwangan kini sa tulo ka managsuon ug nagpuyo sila sa usa ka barong-barong diha sa Barangay Looc, Mandaue diin kini karon gihaya. (BANAT NEWS)
- Latest
