Mga sugarol nasikop

CEBU, Philippines — Tulo ka lalaking nagsugal og hantak nadakpan didto sa Barangay Tabunok, Dakbayan sa Talisay niadtong Biyernes sa gabii. Sila si Ronaldo Adriatico, taga Minglanilla; Juanito Olivar, 34 anyos, taga Barangay Manipis, Talisay ug si Alrich Cesa, 35, taga Barangay Lawaan III, gitanggong pa sa bilanggoan.

Si SPO1 Cecilio Miñoza sa Talisay City Police nagkanayon nga girespondehan nila ang tawag sa publiko nga nagpahibalo nga may naghantak sa maong dapit. Nakuha gikan kanila ang P230 nga pusta ug ang tulo ka antugon ug lingin nga bato nga gihimong antugan. (/RUB)(BANATNEWS)