Abrugena: Loot may gitago?

CEBU, Philippines — Kampo ni Daanbantayan Mayor Vicente Loot giingong kuwang sa kooperasyon sa gihimo nga imbestigasyon sa kapulisan human sa nahitabong aksidente nga pagkapusil sa mayor niadtong Miyerkules sa gabii, matud ni Cebu Provincial Police Office (CPPO) Director, Police Senior Superintendent Manuel Abrugena.

“Tulad ng mga tinatanong ng ating kapulisan kung nasaan ang baril? Bakit nawawala? Sino ang nagmay-ari ng baril? Walang gustong umamin sa kanila (security escorts),” si Abrugena miingon.

Kahinumduman nga si Loot nakaangkon og samad pinusilan sa wala nga paa nga nilapos sa iyang bagtak human giingong iyang gikuha ang gahi nga butang nga iyang nalingkuran apan armas diay kini ug iyahang nakablitan.

Nahitabo kini sa barangay Lanao  gikan nibilar sa haya sa iyang supporter. Gitug-an ni Loot nga parte sa iyang security protocol ang pagbalhin-balhin og sakyanan.

Si Abrugena miingon nga sa inisyal nila nga imbestigasyon si Loot mitug-an nga gipanag-iya sa usa sa iyang security escorts ang maong pusil apan matud pa sa hepe sa Daanbantayan Police nga si Police Senior Inspector Adrian Nalua walay moangkon kinsa  nila.

“May allegation na itinapon po dahil sa kanilang pagpa-panic, nagtatanong kami kung bakit conflicting iyung mga sagot nila. Base sa assessment namin, they want to hide something,” si Abrugena midugang.

Mahinumduman usab nga si Loot ug ang iyang pamilya girakrakan dihang padung naug sa usa ka pampasaheroan nga bangka didto sa New Maya Wharf, Maya, Daanbantayan Cebu niadtong Mayo 13. Si Loot usa usab sa ginganlan ni Presidente Rodrigo Duterte nga protektor sa illegal drugs apan hugot kining gihimakak sa mayor.

Si Nalua sa laing bahin miingon nga ila na lang gipaabot nga mogawas ang resulta sa bullet cross matching test sa mga narekober nga usa ka slug ug buhi nga bala gikan sa wa matinong pusil. “Once makapag-gather po tayo ng evidence kapag may makita tayong elements of offense na involved na makita natin ay maka-apply tayo ng appropriate charges sa sinuman,” sigun ni Abrugena.

Ang kapulisan sa Daanbantayan ni-request og paraffin test ni Loot apan wala misanong ang ulahi tungod sa proseso.

Apan si Loot sa gipadalang pamahayag dinhi sa Banat News mihimakak nga aduna sila’y gitago.

“The result of crime lab examination of the car and the trajectory test will surely prove that it is consistent with my statement. I have directed my civil security officer who owns the gun to voluntarily surrender and cooperate with the investigation being conducted by the police before I was brought to the hospital in the city,” matud pa sa mensahe ni Loot sa Banat News. (Mitzi Lorraine Ambrad/IBM)(BANATNEWS)