BAEx sa Kapitolyo gitugutan na nga gub-on

CEBU, Philippines – Mogahin ang Kapitolyo og tunga sa milyon ka pesos sa pagpaguba sa karaan nga Bureau of Agriculture Extension (BAEx) Building sulod sa Capitol compound nga tukuran sa 20-storey building.

Matud ni Jone Sepe, pangulo sa Provincial General Services Office (PGSO), nga nihatag na og pagtugot ang Office of the Building Official (OBO) sa pagguba sa karaan nga edipisyo nga naguba niadtong 2013 nga linog.

Matud ni Sepe nga ang ilang nasabutan karon uban sa disposal committee on real properties sa Kapitolyo kung unsaon ang disposal sa mga materyales sama sa kabilya, sin ug uban pa gikan sa ginuba nga building.

“Kung kinsa modaug nga winning bidder nga mo-construct sa building siya na ang moguba sa existing nga building,” matud ni Sepe.

Sa pagkakaron, gilihok pa sa Kapitolyo ang pagpangutang niini og P1.5 bilyones sa Development Bank of the Philippines alang sa pagpatukod sa bag-ong edipisyo. (/GMR)(BANAT NEWS)