20 nasikop sa 2 ka adlaw nga checkpoint

CEBU, Philippines — Dili mominus sa 20 ka drug personality ang nasikop atol sa gipahigayong checkpoint sa Mandaue City Police Office nga gisugdan niadtong Sabado hangtud kagahapon sa buntag.

Dili mominus sa 65.66 gramos nga timbang sa drugas ang nasakmit sab nga balor og P263 mil.

Matud ni Police Chief Inspector Mercy Villaro, tigpamaba sa Mandaue City Police Office, nga lakip sa nasikop mao si Nilda Sagarino, 52, taga Humay-Humay Road, Lapu-Lapu City.

Si Sagarino nasikop sa mga tinugyanan sa Station 1 sa MCPO nga gipangulohan ni Police Chief Inspector Aldrin Villacampa dihang nipahigayon sila og checkpoint sa may Zuellig St, Centro, Mandaue City niadtong Sabado sa gabii.

Nasakmit gikan kang Sagarino ang drugas nga motimbang og 50 gramos. (BANAT NEWS)