CPADAO mosulod sa rehab program sa CPDRC
CEBU, Philippines – Mosulod na ang Cebu Provincial Anti-Drug Abuse Office (CPADAO) sa rehabilitation program sa mga piniriso sa Cebu Provincial Detention and Rehabilitation Center (CPDRC).
Matud ni Carmen Remedios Durano-Meca, pangulo sa CPADAO, nga ang ilang ipatuman nga programa dili lang motutok sa mga piniriso nga adunay kalambigitan sa ilegal nga drugas ang kaso apan lakip na sa ubang kaso.
Ang mga drug dependents awtomatik nga mapaubos sa drug rehabilitation program samtang ang uban mapaubos sab sa psychological, social, medical ug spiritual rehabilitation.
Matud niya nga kini maoy gikinahanglan sa mga piniriso alang sa hinay-hinay nga pag-usab sa ilang kinabuhi.
Abagan ang CPADAO sa mga medical personnel sa Provincial Health Office, psychiatrist, religious organization ug ubang ahensiya sa gobiyerno.
Matud ni Meca nga iya pa hinoon ipresentar atol sa department heads meeting sa Kapitolyo sa unang semana sa Hunyo ang plano ug paaprobahan ni Gobernador Hilario Davide III.
Makig-coordinate usab sila sa CPDRC Task Force ingon man sa bag-ong provincial jail warden. (/GMR)(BANAT NEWS)
- Latest
