Gihambin sa LET 3rd placer di cancer

CEBU, Philippines — Giklaro ni Jade Soronio Tagab, ang ika-tulo sa bag-ohay lang nigawas nga resulta sa Licensure Examination for Teachers (LET) Elementary Level nga ang Myasthenia gravis dili usa ka cancer.

Ang katin-awan giluwatan human gikataho ang iyang kalampusan bisan pa sa gihambin nga sakit nga nasaypan nga cancer.

Ang Myasthenia gravis usa ka sakit sa chronic autoimmune neuromuscular diin mao kini ang hinungdan sa paghinay sa skeletal muscles nga responsable sa pagginhawa ug paglihok sa parte sa lawas lakip na ang kamot ug tiil.

“Makatawa lang ko kay pag-abot nako sa amoa niingon akong parents nga mura nag MMK akoa life,” matud ni Tagab.

Dugang pa ni Tagab nga dili kini dako nga epekto sa iya ug sa iyang pamilya tungod kay dili man sila sensitibo nga tawo. Ericalene S. Tanudtanud, UV Journalism Interns/GMR (BANAT NEWS)