Nagmadaugon batok cancer
CEBU, Philippines – Nagmadaugon batok sa cancer ug problema sa pinansiyal ang tinun-an sa University of the Visayas nga si Jade Soronio Tagab human iyang nakab-ot ang ikatulong luna sa Licensure Examination for Teachers (LET) Elementary Level niadtong Marso 2018.
“Everybody dreamed of becoming a topnotcher,” matud ni Tagab kinsa wala nagdahum nga mabutang siya sa ikatulong luna sanglit nag-self review lang siya ug kaduha lang nitambong sa review center.
Si Tagab adunay cancer nga gitawag og Myasthenia gravis, sakit sa chronic autoimmune neuromuscular diin mao kini ang hinungdan sa paghinay sa skeletal muscles nga responsable sa pagginhawa ug paglihok sa parte sa lawas lakip na ang kamot ug tiil.
Napulo na ka tuig niyang gidala-dala ang sakit apan wala kini nahimong babag sa pagkab-ot sa iyang mga pangandoy.
Samtang siya nagtungha, isip kinamaguwangan sa tulo ka managsuon nagtrabaho sab siya aron matabangan ang iyang pamilya ug makasustento sa iyang pag-eskwela ug iyang medikasyon.
“I dedicate this achievement to God, to my family, my parents and also my grandmother who passed away and to all San Fernando people and to my beloved alma mater, the University of the Visayas,” matud ni Tagab.
Sa pagkakaron wala pa siya’y trabaho tungod kay gusto pa niyang hatagan og oras ang iyang kaugalingon. (Ericalene S. Tanudtanud /GMR)(BANAT NEWS)
- Latest
