Durugista gibaharan

CEBU, Philippines – Subling gihulga ni Presidente Rodrigo Duterte ang mga nalambigit sa drugas dinhi sa Sugbo nga dili gyud maayo para kanila nga mogawas sa ilang gikahimutangan.

Apil sa gibaharan sa pangulo ang mga polis ug mga sundalo nga nalambigit sa ilegal nga drugas kay sigurado gyud silang mamatay.

"You know if I were you guys in Cebu, stay in jail. You want to live longer? Stay in jail. Look for your own reason to be in jail. Do not go out of that facility. It would not be healthy for you," bahad pa ni Duterte atol sa iyang speech sa ika-120 anibersaryo sa Philippine Navy didto sa Ternate, Cavite.

Si Duterte mihingan sa Cebu nga hotspot area sa drugas ug nga daghang mga nahimong adunahan ug nakaangkon og dagkong mga mansyon dinhi tungod niini.

Dinhi sa Cebu gikan ang kasagarang mga dagkong mga drug lord nga sama nilang Frans Sabalones ug si Jeffrey "Jaguar" Diaz, kinsang napusilan patay sa shoot out nga nahitabo didto sa Las Piñas niadtong June 17, 2016.

Apil usab sa mga unang gihinganlan ni Duterte kaniadto nga taga Cebu mao si Daanbantayan Mayor Vicente Loot ug ang Sugboanong negosyante nga si Peter Lim, ang duha parehong mihimakak sa mga pasangil.

Ang direktor sa Police Regional Office-7 nga si Chief Supt. Robert Quenery mipasabot nga gusto lang ni Duterte nga makalingkawas ang nasud sa talikala sa ilegal nga drugas.

"The President had repeatedly issued such statement because about 90 percent of the 3003 barangays in Central Visayas are affected by illegal drugs. Similarly, the volume of drugs confiscated by law enforcement units in anti-illegal drug operations remains to be prevalent. So, he may mean that he wants our streets to be free from drug peddlers so that the community may remain safe," si Quenery miingon sa Banat News.

Samtang mipasidaan ang direktor sa Commission on Human Rights (CHR)-7 Arvin Odron nga dili unta kalimtan sa gobiyerno ang responsibilidad niini nga protektahan ang publiko.

"But let us not forget that it is a declared policy of the State to serve and protect the people. Art II, Sec 4 of the 1987 Constitution recognizes the prime duty of the government to serve and protect the people. So, even personalities suspected of being involved in illegal drug trade deserve the protection from the government. Otherwise stated, this administration simply cannot assure of their safety while out in the street," si Odron miingon ug midugang nga walay pulos ang maong balaod kon mismong ang gobiyerno dili motahod niini. (/IBM)(BANAT NEWS)