41 naihap nga balay nga nasunog sa Lorega
CEBU, Philippines — Posibleng motaas pa ang ihap sa mga residente nga apektado sa sunog sa Sitio Riverside, Lorega San Miguel niadtong Mayo 21 matud pa sa pangulo sa Cebu City Disaster Risk Reduction and Management Office nga si Nagiel Bañacia.
Kagahapon natala ang 41 ka panimalay, 82 ka pamilya ug 400 ka residente ang apektado.
“We are expecting nga mo-increase lagi again because of the family who are renting sa katong nangasunog nga balay,” matud ni Bañacia.
Ilang paninguhaon nga dili na masunog og usab ang maong lugar ug aduna silay strategy para niini sama sa reblocking ug maghimo na sila og easement sa sapa apan ila pa konsultahon ang mga residente.
“Dili gyud nato kalimtan na mga tawo sila. Though mao ni atong policy, but at the end we have to consult them,” sumala pa ni Bañacia.
Ang pangulo sa Division for the Welfare of the Urban Poor (DWUP) nga si Genevieve Alcoseba dili pa kadesisyon kung magpahigayon ba sila og reblocking tungod kay pribado ang maong luna ug adunay kaso.
Kasamtangang namuyo ang mga nasunogan sa Barangay Hall sa Lorega samtang nagpadayon ang pag-apod-apod ang siyudad og mga hinabang sa mga biktima sama sa packed meals, disaster kits ug construction materials. (Jessa V. Caumeran ug Katrina Aguirre, CNU Interns/GMR) (BANAT NEWS)
- Latest
