Agrikultura, turismo sa ikapitong distrito palambuon
CEBU, Philippines – Giila sa mga stakeholders ug mga ahensiya sa gobiyerno ang turismo ug agrikultura sa ikapitong distrito sa Lalawigan sa Sugbo nga maoy prayoridad sa pagpalambo.
Kini human sa gihimong workshop sa Integrated Area Develoment Program sa Ramon Aboitiz Foundation, Inc, (RAFI-IAD) focal team niadtong Marso.
Ang workshop gitambungan sa mga planning and development coordinators, engineers, tourism officers, agriculturists ug mga konsehal sa kalungsuran sa ikapitong distrito.
Nitambong sab ang mga representante sa Provincial Planning and Development Office, Provincial Tourism Office, Office of the Provincial Agriculture ug Provincial Engineering Office.
Usa sa highlight sa kalihukan mao ang “district hat” making diin ang focal team ang nigama og mga kawo sa pagpakita sa assets sa distrito.
Sa pagkakaron nagsugod na ang site validation nga naglangkub sa interview, data gathering ug survey.
Human sa survey namugna ang geo-tagged map pinaagi sa abag sa PPDO diin makita sa mapa ang mga hulagway sa mga na-validate nga lugar alang sa agrikultura ug turismo.
Ang mga detalye nga natigum iduso kini ngadto sa Project Management Unit alang sa district visioning ug strategic planning nga gitakda sa unang semana sa Hunyo. (SWU Phinma Intern/GMR)(BANAT NEWS)
- Latest
