Amahan gipilde sa anak

CEBU, Philippines – Gilupig gyud ang amahan sa iyang anak sa ilang panag-atbang paglansar pagka kapitan didto sa Barangay Caubian, Olango Island, sakop sa dakbayan sa Lapu-Lapu kaniadtong Lunes.

Si Romeo Matbagon, 75-anyos na ang pangedaron ug retiradong polis, wala magmalampuson sa iyang tinguha nga mahimo unta siya nga kapitan sa ilang barangay.

Gihulagway sa mga lumolupyo sa Isla sa Olango nga sakit palandungon ang kapildehan sa tiguwang tungod kay ang nakaparot kaniya mao ra ang iyang anak nga si Jackson Matbagon.

Ang amahan ug anak nagkasabot nga mag-atbang sila pagpapili pagka kapitan apan ipabilin nila ang panagsuod kon kinsa kanila ang modaog.

Ang rekord sa Commission on Elections (Comelec) nagpakita nga si Jackson Matbagon nalakip sa 30 ka mananaog pagka kapitan sa Lapu-Lapu City gikan sa 11 ka barangay sa isla sa Olango, ug laing 19   ka barangay sa mainland.

Ang ubang mga midaog nga barangay kapitan mao si Jimboy Igot (Agus); Ronnie Berdin (Babag); Eddie Cuizon (Bankal); Isabelito  Darnayla (Basak); Lorna Soroño (Buaya); Titing Pejo (Calawisan); Rey Tampus (Canjulao); Ele Fontanoza (Gun-ob); Neneng Cahilog (Ibo);

Regina Ybañez (Looc); Tata Dehayco (Mactan), Lucring Amores (Marigondon); Russel Abing (Maribago); Joana Ybañez (Pajac); Ahong Chan (Pajo); Rex Mangubat (Poblacion); Esse Estardo (Punta Engaño); Titing Booc (Pusok); Lito Tibon (Suba-Basbas).

Sa mga barangay sa isla, ang mga midaog nga kapitan mao sila si Romulo Wagwag (Baring); Ranilo Abayan (Caohagan); Efren Apa (Caw-oy); Otto Casiao (Pangan-an); Nelson Melancholico (Sabang); Cyrus Eyas (San Vicente); Isko Gilig (Sta. Rosa); Ben Daño (Talima); Audi  Flores (Tingo) ug Aga Abayan (Tungasan).(/RUB)(BANAT NEWS)