Nilayat padung sa sapa

CEBU, Philippines – Usa ka 40- anyos nga lalaki ang misuway paghikog pinaagi sa paglayat gikan sa atop sa usa ka establisemento padung sa ubos sa sapa sa barangay Mabolo ning dakbayan sa Sugbo kagahapon sa hapon.

Matud ni SPO2 Rene Sebes sa Mabolo Police Station ang lalaki  kansang pangalan gipugngan sa Banat News lumolupyo sa J. De Vera St. sa maong barangay. Ang mga sakop sa Mabolo Police Station nga naa ra sa duol sa nahitaboan dali untang miresponde aron kini hangyuon sa pagkanaog, apan sa kadugayan miambak gyud kini ngadto sa sapa.

Nasayran sa kapolisan nga bag-o pa lang gilubong ang anak sa maong lalaki kagahapon ug gituohang naguol kini og maayo.

Ang maong lalaki giluwas sa mga paryente ug mga silingan nga naluoy kaniya ug gidala kini ngadto sa Cebu City Medical Center. (CNU Intern/IBM)(BANAT NEWS)