Lalaki gipatay sa riding-in-tandem

CEBU, Philippines — Usa ka lalaki ang gipusil patay sa wala pa mailhing mga mamumuno nga nagsakay og motorsiklo diha sa barangay Sambag Uno, Dakbayan sa Sugbo kagahapong adlawa.

Ang biktima giila nga si Chris Dave Montoya, residente sa barangay Sambag Dos. Sumala pa sa imbestigador sa maong kaso nga si PO3 Geoffrey Gutual nga duha ka mga lalaki nga nag-angkasay og motorsiklo ang mipatay sa biktima.

Dihang ilang gitan-aw ang Closed Circuit Television sa entrada ug gawsanan sa maong barangay wala’y nakitang nag-angkasanay og motor nga migawas ug misulod sa maong barangay.

Nagduda sila karon nga anaa ra sa sulod sa maong barangay ang nipusil niini.

Tug-an ni Gutual nga love triangle ang usa sa ilang gitan-aw nga motibo sa krimen. (BANAT NEWS)