Mga lalaki naghilawas gipasakaan og kaso
CEBU, Philippines — Pormal na nga gipasakahan og kasong grave scandal ang duha ka lalaki kinsa nasakpang naghilawas sa parke sa Poblacion Oriental, Consolacion niadtong Domingo sa kaadlawon.
Ang gipangdakop mao sila si Sergio Agusto Pinote, 72, taga Maribago, Dakbayan sa Lapu-Lapu ug ang pares niini nga si Gilmar Mendoza, 18, taga Tugbongan, Consolacion.
Lakip na sa gidakop sila si Emilio Pino, 52, taga Canyon Road Beverly Hills, Barangay Lahug, Dakbayan sa Sugbo kauban sa iyang ulitawo nga pares nga si Abdul Jabber Mabandi, 19, taga Cansaga, Consolacion.
Base sa report sa GMA Balitang Bisdak nga nihimakak ang mga dinakpan nga naghilawas sila sanglit matod pa nga naghinilotay ra sila sa maong dapit.
Sigun pa sa hepe sa Consolacion Police Station, Chief Insp. Gerard Ace Pelare, nga sa korte na lang sila mopagawas sa ilang habig sanglit napasaka na ang kaso.
“Di sad seguro sila maabot sa Consolacion para lang magpahilot,” matud ni Pelare.
Gibutyag niya nga nunot sa maong pagdakop, niminus na ang mag-standby sa mga ngitngit nga dapit sa maong parke.
“Daghan baya og mag-jogging diha ug mag-standby nga mga law abiding citizens. Tungod anang ilang mga (ngil-ad nga) activities diha nahimo nang bati ang lugar,” sigun sa hepe.
Si SPO2 Vicente Guila sa Consolacion Police Station nakamatikod sab sa maong kausaban sa iyang pag-roving.
“Naa man gyuy ngitngit nga part kanang mga naay dakong kahoy. Wala na kaayoy mag-standby, lahi ra sa una,” si Guila niingon. (BANAT NEWS)
- Latest
