Siyudad lisud ma-rabies free

CEBU, Philippines – Nag-una ang Siyudad sa Sugbo sa listahan sa mga animal rabies cases ug nidaghan sab ang mga hayop nga positibo sa rabies niining tuiga.

Kini sumala pa sa chief sa Veterinary Public Health Division, Mary Ann Gabona, kinsa nagkanayon nga maglisud sila nga ma-rabies free ang siyudad tungod kay kini urban area ug taas ang populasyon sa mga iro.

Niadtong tuig 2010, gisugdan pagsuroy sa taga Provincial Veterinarian's Office ang kalungsuran alang sa libreng bakuna sa mga hayop ilabi na sa mga iro. Ilang gilusad niining tuiga sa mga lungsod ang programa nga Operational Plan for Rabies Eradication in Dogs (OPLAN RED) diin ilang giila kung ang usa ka barangay low risk, medium risk, ug high risk sa kaso sa rabies.

Hugot nga giawhag ni Gabona ang mga nanag-iya og mga iro nga magpabiling responsable para sa kaluwasan sa publiko ug turismo.

"For the pet owners, be responsible enough. Katong mga responsible pet ownership, mao gyud unta to atong i-practice. If responsible enough gyud, there will be no rabies at all," sigun ni Gabona. (Myca Mae Gabato, CNU Interns/GMR)(BANAT NEWS)