Anak ni anhing Emil Go nahadlok
CEBU, Philippines — Nahadlok sa iyang seguridad ang anak ni Emil Go, kanhi konsehal sa Dakbayan sa Talisay kinsa gipatay sa ilang lugar niadtong niaging buwan.
Ang anak ni Go nga si Frederick natanggong sa Talisay City Jail gumikan sa kasong drugas.
Si Supt. Marlu Conag, hepe sa kapolisan sa Siyudad sa Talisay, niingon nga aduna’y hearing sa iyang kaso si Frederick niadtong Lunes apan nadugay pa ang mga jail guards sa pagkumbinsir sa piniriso motambong gumikan sa iyang kahadlok nga siya ang sunod patyon.
Siya nagkanayon nga posibleng aduna’y nahibaw-an si Frederick labot sa pagpusil patay sa iyang amahan.
Giangkon ni Conag nga naglisud gyud sila karon sa kaso ni Go sa paggukod sa mga responsable sa krimen tungod usab sa ka limitado sa pamahayag sa pamilya niini. Sa imbestigasyon gitutokan ang pagkalambigit ni Go sa drugas ug sugal.
Gani gikataho nga adunay gikakontra labot sa Small Town Lottery (STL) sa Siyudad sa Davao si Go. (GMR) (BANAT NEWS)
- Latest
