Imbestigasyon sa ambush wa moirog
CEBU, Philippines — Walay kasulbaran ang kaso sa pagpangrakrak sa usa ka sakyanan gawas sa New Cebu Infinity KTV and Music Lounge diha sa may Archbishop Reyes Avenue, Barangay Kamputhaw niadtong Sabado sa tungang gabii kung hangtod karon wala mopatim-aw sa kapolisan ang giingong biktima nga si Wellington Lim.
Kini maoy gipadayag sa hepe sa Cebu City Police Office Investigation, Detection and Management Group nga si Police Supt. Ryan Devaras.
"Matagalan talaga ang pag-usad ng kaso because wala tay mga information. The victims are the best information. We need them to come to CCPO, mahug nga hearsay nga gipaagi sa lain party. They have to come to CCPO to make a statement. We reach out to them but walay feedback ani. As of now, they are uncooperative," si Devaras miingon.
Gipahibalo sa maong hepe nga hangtud karon, padayon pa silang nakig-alayon sa Land Transportation Office sa pagsubay kon kinsa ang tag-iya sa maong sakyanan aron sugdan ang trajectory examination.Gisubay usab nila ang mga Closed Circuit Television (CCTV) nga posibleng nakakuha og footage sa mga giingong armadong grupo ug kun diin kini naggikan.
Si Dioscoro Fuentes Jr.,tigpamaba sa kontrobersyal nga negosyante nga si Peter Lim, ug igsuon ni Wellington nagkanayon nga ang naulahi maoy sakay sa Ford Expedition nga girakrakan sa mga armadong grupo.Napagan ang gwardiya nga si William Bucay ug nasamdan sab ang kauban niining si George Lambating ug ang duha ka turistang German nationals nga giila nga silang Pauline Basbach and Manuel Goerrings. (IBM) (BANAT NEWS)
- Latest
