K9 ‘nitakas’ atol sa Takas sa Talisay

CEBU, Philippines — Gipangita sa mga awtoridad ang K9 Dog human kini nawagtang atol sa re-enactment sa ika-73 nga Takas sa Talisay kagahapon sa buntag sa baybayon sa Barangay Poblacion.

Ang iro nga nawagtang iya sa Philippine Navy nga aduna’y liwat nga German Shepherd ug Rotweiller.

Si Sgt. Jundee Masbang sa Philippine Navy nidangop sa kapolisan sa Talisay aron ipahibawo ang K9 nga nawagtang.

Matud pa niya nga wala naanad ang iro sa daghang tawo hinungdan nga kini nisibat.

Aduna unta’y role o papel ang iro sa re-enactment.

Si Insp. Inar Vic Florece, deputy chief sa Talisay City Police Station, nanawagan sa katawhan nga kun makakita sa maong iro i-report kini sa ilang buhatan. (BANAT NEWS)