Dagat sa Malabuyoc wa tarunga og susi

CEBU, Philippines - Ang hepe sa Provincial Environment and Natural Resources Office (PENRO) Baltazar Tribunalo nibutyag nga ang iyang buhatan nipadala og marine biologists nga nisusi sa danyos sa kadagatan sa Lungsod sa Malabuyoc gumikan sa pagtikyaob sa usa ka barko.

Kahinumduman nga nitikyaob sa maong lugar niadtong buwan sa Marso ang LCT Marc Jason III nga nagkarga og bas.

Wala matagbaw ang PENRO sa resulta sa gipahigayong evaluation sa kompaniya sa barko kay giingong walay mga gasang nga naapektohan sa pagkahuwad sa karga nga bas. Gipasabot sa PENRO nga dili lang ang mga gasang maoy susihon lakip na ang polusyon nga nahimo sa pagkayabo sa barko ang angayang lantawon.

Si Tribunalo mipadayag usab sa iyang kasagmuyo sa kompaniya sa barko kay giingong nagpahigayon kini  og valuation nga wala mo-coordinate kanila.

Human sa maong hitabo ang PENRO nagplano sa paggama og protocol sa tibuok probinsiya kon unsay angay buhaton kon ugaling dunay barko nga malunod o mayabo. - /DILT) (BANAT NEWS)