Patabangon og bantay sa kabataan
CEBU, Philippines - Si Bise Gobernador Agnes Magpale kinsa maoy vice chairman sa Provincial Council for the Welfare of Children (PCWC) niawhag sa sobra 300 ka day care worker sa probinsiya nga pahugtan pa ang ilang paggiya sa mga bata.
Tumong niini nga ang kabataan maprotektahan batok sa exploitation ug dili sila maimpluwensiya sa mga imoral nga makita sa social media.
Gikataho nga adunay mga bata nga sayo kaayong na-expose sa violent ug sexual content sa internet. Gani dunay mga menor nga nakagama og kalapasan sa balaod ug nahimong biktima tungod sa ilang kasinatian.
Atol sa 2nd Provincial Day Care Workers Week niadtong Miyerkules, si Magpale nibutyag nga dihang nitambong siya og hearing kabahin sa kaso sa cyber-pornography, nahingangha siya kay usa ka bata kahibawo na nga moila og sex toys nga gipresentar sa korte.
Gawas sa paggiya, giawhag usab ni Magpale ang day care workers sa pagdasig sa kabataan sa pag-develop sa ilang mga talento.
Dugang niya nga niining panahona ang gadgets sama sa computer ug cellphone, dako kaayo og impluwensiya sa mga bata. - /DILT) (BANAT NEWS)
- Latest
