PRO-7 may giandam nga pwersa para Marawi City
CEBU, Philippines - Nangandam pagpadala og augmentation force ang Police Regional Office-7 didto sa Marawi City, Lanao Del Sur alang sa paghatag og dugang kusog sa mga government troops batok sa mga Maute Group.
Matud ni Chief Superintendent Noli Taliño, direktor sa PRO-7 nga bisan og wala pa sila’y nadawat nga mando gikan sa Camp Crame nangandam na silang daan kung dunay mga kalit nga deployment sa maong siyudad.
“Naka-ready naman tayo ng one company of our public safety unit from RPSB (Regional Public Safety Battalion-7) kung kinakailangan,” matud ni Taliño.
Naa karon sa heightened alert ang tibuok Central Visayas tungod sa nagpadayong gubat didto sa Marawi nga gikatahong 19 ka sibilyan na ang gipatay sa mga bandido.
Aduna say nakalas nga 15 ka sundalo ug polis samtang 61 usab sa habig sa mga terorista.
“Naka in-place ang ating security system pero we cannot avoid kung merong mag-e-evacuate dito. Ang trabaho lang naman natin ay is to maintain ang peace and order at saka i-check, i-monitor ang security natin dito sa Central Visayas,” matud ni Taliño.
Nagkanayon si Taliño na mao sab ang ilahang gibuhat sa ilahang counterparts sa Armed Forces of the Philippines diin mas gi-enhance kanila ang seguridad sa gihisgutang rehiyon.
(BANAT NEWS)
- Latest
