21 barangay ipadeklarar nga drug-cleared

CEBU, Philippines - Nirekomendar ang Cebu Provincial Anti-Drug Abuse Office (CPADAO) og laing 21 ka barangay ngadto sa oversite committee nga madeklarar nga drug-cleared.

Matud sa pangulo sa CPADAO, Carmen Remedios Durano-Meca, nga sa 61 ka barangay nga ilang gi-validate, 21 lang niini ang kwalipikado.

Kini mao ang 12 ka barangay sa Lungsod sa San Remigio ug siyam sa Dakbayan sa Bogo.

Nanghinaut si Meca nga sulod niining semanaha makadawat na sila og tubag gikan sa oversite committee.

Matud ni Meca nga ang 40 ka barangay dili madeklarar nga drug-cleared tungod kay dunay drug surrenderer ang nagpositibo sa drug test.

Ang Barangay Anti-Drug Abuse Council (BADAC) sa nahisgutang mga barangay ang giingong wala sab naglihok. (BANAT NEWS)