Armado may shabu sikop
CEBU, Philippines - Gituohang tulisan ang nasikop sa kapolisan sa Siyudad sa Talisay sa Carmen Village, Barangay Poblacion kagahapon sa hapon. Ang dinakpan nga si Remegio Cañada Jr., 27, taga Caduldulan, Barangay Lawaan 3 sa maong siyudad, ang gipara sa mga awtoridad samtang nagmaneho og bukog-bukog nga motorsiklo nga walay dokumento. Dihang girekisa nasakpan ang .22 magnum revolver ug 10 ka gagmay nga pakete sa shabu nga gituohang pinalit sa Barangay Tangke.
Nabangga sa trak patay
Patay diha-diha ang electrician human siya nabangga sa nagparadang sakyanan sa Tungkop, Minglanilla kagahapon sa kadlawon. Ang namatay mao si Levi Salvan, 37, gituohang hubog samtang nagmaneho sa iyang motorsiklo ug ang drayber sa truck mao si Emil Omana, 30, nagtrabaho sa Transporter Services Corporation sa Lungsod sa San Fernando. Giparada ni Omana ang sakyanan aron mopalit og pan sa bakeshop dihang nabangga si Salvan. (BANAT NEWS)
- Latest
