Nabangga sa tanker, patay

CEBU, Philippines - Nakalas ang usa ka 26-anyos nga lalaki human maigo ang iyang gimanehong motorsiklo sa tanker truck sa may national highway sa Barangay Sangat, Lungsod sa San Fernando niadtong Martes sa buntag  Ang namatay giila nga si Joseph Abellana, taga Brgy. Paknaan sa Dakbayan sa Mandaue. Samtang ang drayber sa tanker mao si Richard Suarez, lumad nga taga Tampi, San Jose Negros Occidental.

Matud ni PO3 Reynaldo Tanica sa San Fernando Police Station, paingon sa Dakbayan sa Sugbo si Suarez samtang padulong sa Carcar si Abellana.

Giingong mi-overtake ang motorsiklo sa usa ka dumptruck ug nawad-an kini og balanse hinungdan nga naigo sa walang bahin sa tanker truck.Suway pang gidala sa Carcar Provincial Hospital si Abellana apan gideklara kining dead on arrival. Hazel Secop (BANAT NEWS)