Santo Niño gibilin sa CPDRC

CEBU, Philippines - Gibilin sa Cebu Provincial Detention and Rehabilitation Center (CPDRC) ang imahe sa Balaang Bata nga si Senyor Santo Niño sulod sa usa ka adlaw gikan sa Basilica.

Ang pagbilin sa imahe subay kini sa ika-452 nga anibersaryo sa pagkakaplag sa imahe.

Matud ni prison guard Juan dela Cruz nga dako ang matabang sa presensiya sa imahe sa mga piniriso sa CPDRC alang sa “renewal of faith” niini.

Ang maong imahe gibutang kini sa sentro mismo sulod sa CPDRC diin adunay misa nga gipahigayon ingon man ang presentasyon gikan sa mga piniriso.

Ang imahe gibantayan sa mga representante sa simbahan ug mga guwardiya sa prisohan.

Si dela Cruz nagkanayon nga alas 2 karong hapon kuhaon na ang imahe. (BANAT NEWS)