Responders sa Mandaue gipasidunggan
CEBU, Philippines - Gipadangat sa konseho sa Dakbayan sa Mandaue ang ilang pahalipay ngadto sa mga sakop sa responders sa City Disaster Risk Reduction and Management Council sa ilang gihimong dinaliang pagpabakwit sa mga pamilyang naa sa danger zone.
Sa gipahigayon nga special session kagahapon giduso ni Konsehal Noli Seno ang gihan-ay nga resolusyon. Matud ni Seno sa iyang resolusyon tungod sa gihimo sa mga responders luwas ang mga lumolupyo ug walay kinabuhing nakalas sa dakbayan.
Si Seno miingon nga wala igsapayan sa mga sakop sa responders ang kakuyaw aron maluwas ang uban.
Si Felix Suico nga maoy pangulo sa Mandaue City DRRMO mitug-an nga mokabat sa 500 ka tawo ang ilang gipabakwit ngadto sa luwas nga mga lugar.
Gibahaan niadtong tungora ang Barangay Mantuyong, Banilad, Looc, Tingob, Cabancalan, Labogon ug Basak. (BANAT NEWS)
- Latest
