Piyesta sa immaculada himoong holiday

CEBU, Philippines - Nalipay si Arsobispo Jose Palma sa pagpasar sa House of Representatives sa balaudnon sa pagdeklarar nga special non-working holiday sa Disyembre 8 isip piyesta sa Immaculate Conception of Mary sa tibuok nasud.

"I am happy for such a recognition of the importance of the feast in our country. We are known as "Pueblo Amante de Maria" because Mary gave birth to Jesus, Life and Savior of the world. I wish they reflect on the value of life in our beloved Philippines," matud ni  Palma.

Ang maong balaudnon gi-endorso na sa plenary alang sa approval ngadto sa komitiba sa revision of laws.

Matud sa balaudnon nga sa tanang titulo ni Mary and titulo nga Immaculate Conception maoy labing prominente ug ang piyesta niini kay gitamod sa mga Katoliko.

Niadtong Septiyembre 12, 1942, si Pope Pius XII, pinaagi sa Apostolic letter Impositi Nobis, nagdeklarar sa Virgin Mary sa titulo nga Immaculate Conception isip Principal Patroness of the Philippines.

Ang Disyembre 8 gideklarar nga Holy Day of Obligation ni Pope Clement XI sa tuig 1708 alang sa tanang Katoliko sa tibuok kalibutan aron sa pagtamod sa kabalaan ug sa pagkaputli ni Maria. (BANAT NEWS)