Kinhason sa Dawis, Tagbilaran di pa ipakaon

CEBU, Philippines - Palikayan una ang pagpakaon sa mga kinhason nga gikan sa Dawis ug Tagbilaran sa Bohol nunot sa nagpadayong red tide.

Hinoon matud sa direktor sa Bureau of Fisheries and Aquatic Resources-7, Allan Poquita, nga ang maong mga lugar nga gideklarar nga adunay red tide ang padayon gihapon nga gibantayan aron seguro gyud nga wala’y mangisda sa maong mga lugar.

Ang Siyudad sa Sugbo ang magkuhaan og isda gikan sa Bohol lakip na ang mga isda nga gikan sa Bantayan Island.

Nagkanayon si Poquita nga usa ka natural nga phenomenon ang red tide maong dili sila makatag-an kun kanus-a kini mahuman ug lisud sabton nga sitwasyon sa kadagatan. (BANAT NEWS)