Tabunok flyover sirad-an na ugma
CEBU, Philippines - Sirad-an na gyud sugod ugma sa gabii ang flyover sa Tabunok, Dakbayan sa Talisay aron sugdan na og ayo ang aspalto.
Kini maoy gibutyag ni Almond Dela Peña, pangulo sa City of Talisay-Traffic Operation Development Authority (CT-TODA).
Sugod sa alas 8 ugma sa gabii ang pagsira sa flyover samtang tibuok adlaw ang pagsirado sa Sabado ug Domingo.
Alas 5 sa buntag sa Lunes makabalik ang mga sakyanan sa pag-agi sa flyover.
Gihangyo ang motorista nga patas-an ang ilang pasensiya tungod kay seguro gyud nga adunay pagkabara sa trapiko.
Hinoon ang mga bus gikan sa Dakbayan sa Sugbo ang makaagi sa South Road Properties.
Ang hepe sa kapolisan sa Siyudad sa Talisay, Supt. Emerson Dante, nipadayag sa kaandam sa pagtabang sa mga sakop sa CT-TODA sa pagdumala sa trapiko pinaagi sa pagbutang og mga polis sa matag eskina aron mabadlong ang mga magpaugat nga drayber. (BANAT NEWS)
- Latest
