Gipugngan

CEBU, Philippines - Nadakpan sa managlahing buy-bust operation sa kapolisan sa Dakbayan sa Lapu-Lapu ang 10 ka tawo ug nasakmit ang kapin sa P200,000 nga kantidad sa shabu. Lakip sa gidakop sa Barangay Pajo ang kawani sa City Hall nga si Junrey Arrabis, 37, kinsa giingong nisuway pagpugong nga madakpan ang tulo ka tawo sa ilang lugar.Dugang nasikop ang upat ka tawo samtang sa Barangay Pusok nasikop ang laing tulo nga taga Barangay Gun-ob. (/GMR)

Gibabagan

Patay ang usa ka tawo kinsa gipusil kauban sa iyang 4-anyos nga anak ug silingan sa Malinao, Agus, Dakbayan sa Lapu-Lapu alas 9 pasado sa niaging gabii. Ang biktima nga si Aldwin Calumba Requilme, 37, kawani sa Zorina Yacht Club nga nagpuyo sa CKL Subdivision ang nagmaneho sa motorsiklo gikan sa homeowner’s meeting samtang sakay ang 4-anyos nga anak lalaki ug silingan nga si Rommel Peniro, 21. Giingong kalit lang gibabagan ang biktima sa wala mailhing lalaki kinsa may kauban gikan sa ngitngit nga bahin ug maoy nipusil sa ulo sa biktima.

Gidunggab sa katagay

Patay ang usa ka construction worker nga gidunggab sa Sitio Tabay Mabaw, Marigondon, Dakbayan sa Lapu-Lapu alas 3 pasado sa niaging kadlawon. Ang biktima nga si Boyet Olis Cañete, 44, nakig-inom pa kini sa mga suspek nga kauban ra nga sila si Eduardo Garcia Espiritu ug Erwin Espiritu nga lumad nga taga Negros Occidental. Nagkalalis ang grupo dihang nangahubog apan napakgang ug sa dihang namauli na, kalit lang gidunggab sa mga suspek ang biktima. (BANAT NEWS)