LTFRB: Walay jeepney phase-out
CEBU, Philippines - Nagprotesta na sad ang pipila ka mga miyembro sa Pinagkaisang Samahan ng mga Tsuper Nationwide-Cebu batok jeepney phase out.
Kini bisan pa man sa pasalig ni chairman Martin Delgra sa Land Transportation Franchising and Regulatory Board nga walay jeepney phase out nga mahitabo.
Si Delgra nitambong sa Visayas nga konsultasyon sa Omnibus Franchising Guidelines nga gipahigayon diri sa Sugbo.
Matud pa ni Delgra nga ang ma-phase out mao ang 15 anyos pataas nga jeepneys tungod sa programa nila nga transportation modernization.
"Supak mi ana ilang modernisasyon kay rehabilitasyon sa mga jeepneys among gusto," matud pa ni Greg Perez, coordinator sa PISTON-Cebu.
Matud pa ni Perez nga kung ipatuman na sa LTFRB nga wagtangon gyud ang jeepneys nga nag edad 15 anyos pataas, 99 porsiyento sa mga jeepneys ang mawagtang sa Sugbo.
Sa pagkakaron adunay 11,000 ka jeepneys ang nagdagan sa Sugbo.
Si Perez dili motoo sa sulti sa LTFRB nga tabangan sila sa gobiyerno nga maka-loan sa bangko para makapalit sila og mga bag-ong jeepney units. (BANAT NEWS)
- Latest
