Marinong pinoy giawhag pagbaton og healthy lifestyle

CEBU, Philippines - Pabiling  "most preferred seafarers" sa tibuok kalibutan ang mga Pilipino nga marino.

Ang maong pamahayag giluwatan ni Carl Martin Faannessen, ang managing director sa Abojeb Company atol sa gipahigayong Cebu Media Round Table discussion.

"Filipino seafarers are the number one preferred choice for people on board due to its skills and attitude," matud pa ni Faannessen, bisan pa man nga ang mga Pilipinong marino nagpraktis usab kini og unhealthy lifestyle.

Tungod sa maong unheathy lifestyle, daghang Pinoy nga marino ang adunay high blood pressure, type 2 diabetes ug taas nga lebel sa cholesterol.

Matud niya nga daku kini nga hagit sa gobiyerno, eskwelahan ug sa shipping sector sa pag-awhag sa mga marino nga mag-practice gyud og healthy lifestyle.

Si Arlene Asuncion, senior vice president for Crewing sa Abojeb Company nagkanayon nga ang mga aplikante nga adunay susamang sakit, dili tugotan nga makasakay og barko labi na kadtong adunay high blood pressure nga aduna say type 2 diabetes.Dugang ni Faannessen nga bisan pa man sa krisis nga giatubang karon sa industriya sa shipping tibuok kalibutan, nagpabilin nga masidlakon ang mga oportunidad alang sa mga Pinoy.

"The shipping industry can assume that the world fleet will continue to grow, which means an increased requirement for skilled and competent seafarers. We see a silver lining despite the challenges," matud pa ni Faannesser.

Ang Abojeb Company naghatag kini og usa ka ekspertong integrated services ngadto sa mga shipping ug overseas nga mga negosyante.

Ang maong kompaniya nga gitukod kaniadto pang 1982, gipasidunggan na isip lider sa maritime ug manpower services sa Pilipinas ug sa nagkadaiyang industry-led nga organisasyon. (BANAT NEWS)