P15 M ang nasakmit nga Mighty cigarettes
CEBU, Philippines - Gibanabanang mokabat og P15 Milyones ang kantidad sa Mighty cigarettes nga gisakmit sa Bureau of Customs-Cebu kaniadtong usang semana.
Matud pa ni Verne Enciso, ang chief sa Customs Intelligence and Investigation Service nga ubos sa ilang imbentaryo nga gipahigayon, kada container vans aduna kini 400 ka master cases/boxes o 800 ka master cases/boxes tanan kay duha man ka container vans ang gipangsudlan niini.
Matag master case/box aduna kini sulod nga 50 ka reams ug matag ream adunay kini napulo ka packs. "Estimated value just an estimate is P15 million more or less at a price of P19,000 per master case/box," matud pa ni Enciso.
Matud pa ni Enciso nga ang maong mga sigarilyo gi-turnover na sa BIR-7 alang sa dugang imbestigasyon.
Dungag pa ni Enciso nga ang Manila BIR nagpadala dinhi og Excise Team alang sa joint BOC ug BIR nga pag- imbentaryo sa maong mga sigarilyo .
Sa nahinumduman, gisikop ang maong kargamento pag-abot sa Sugbo kay ang maong mga sigarilyo naglakip kini og peke nga mga Excise Tax Stamps.
Ang gipasabot niini ang maong kargamento wala kini nibayad og buhis sa gobiyerno. — /EIM) (BANAT NEWS)
- Latest
