Mayor Osmeña naospital

CEBU, Philippines - Nalandig sa tambalanan ang amahan sa Siyudad sa Sugbo nga si Mayor Tomas Osmeña human nakasinati og kasakit sa tiyan human mikaon og pagkaon nga gikan sa gawas sa nasud.

Mibutyag ang iyahang kapikas sa kinabuhi nga Konsehal Margarita Osmeña nga sukad pa sa alas 2: 30 sa kaadlawon kagahapon nalandig sa Chong Hua Hospital ang mayor.

Suma pa niya Miyerkules sa gabii nikaon og pagkaon gikan sa gawas sa nasud nga ilang dala pag-uli gikan didto, apan human sa pagkaon gisakitan kini sa tiyan. “When they gave him medicine, he could not also go to the bathroom that was the problem, it’s hard to explain. Basta he could not go to the bathroom you know when you feel bloated, it’s painful like that ba,” saysay pa niya sa Banat News.

Kahinumduman nga miadto sa Kitakyushu City, Japan ang mayor kauban ang ubang opisyales sa siyudad ug mga kawani aron motambong sa usa ka panagpulong kabahin sa E-technology ug bag-ohay lamang nabalik niadtong adlawng Lunes sa gabii.

Tungod niini wala nakatungha ang mayor sa iyahang opisina kagahapon apan mipasalig nga makabalik na sa trabaho karong adlawa. (BANAT NEWS)