Tommy gipadad-an og credit card sa BDO
CEBU, Philippines - “I’m not for sale.”
Kini ang pamahayag ni Cebu City Mayor Tomas Osmeña human nakadawat kagahapon og Diners Club International Credit Card gikan sa Banco De Oro nga adunay P440,000 nga credit limit.
Apan matud ni BDO-Magallanes branch manager Joseph Lao nga dili kini gikan sa branch nga gipasakaan og kaso sa mayor.
Matud ni Osmeña nga wala niya kini gipangayo sa BDO ug wala sab siyay bank account sa BDO.
Sigun pa niya nga wala siya kahibawo sa katuyoan sa BDO sa paghatag sa credit card ingon nga dili sab siya interesado niini.
Nahinumdum hinuon ang mayor nga aduna siyay dormant nga Diners Club International Credit Card sa niaging napulo na ka tuig.
Apan siya nag-authorized sa Diners Club nga i-renew ang maong account.
Matud ni Lao nga gipalit na sa BDO ang Diners Club International Credit Card sa niaging tuig ug posibleng gi-renew sa BDO ang tanang accounts ug dili tuyo sa bangko ang pagpalit sa mayor. (BANAT NEWS)
- Latest
