Menteryo sa Opon karon pa gibaha

CEBU, Philippines - Karon pa nahitabo nga naglunang sa baha ang mga pantiyon sa sementeryo sa Dakbayan sa Lapu-Lapu sanglit wala kini nahitabo sa niaging katuigan.

Matud ni Mayor Paz Radaza nga iyang susihon ang sitwasyon ilabi na ang drainage sa maong lugar.

“Wala gyud ko ka balita dunay baha na dinha, with this nga panghitabo, I think I will look into this,” matud ni Radaza.

Ang kusog nga bunok sa uwan sa nilabay’ng pipila ka adlaw niresulta sa baha sa municipal cemetery sa Barangay Gun-ob.

Ang mga tinugyanan sa Clean and Green Office ang nigamit og makina sa pagpasuyop sa baha hinungdan nga medyo nihubas na kini sayo kagahapon.

Samtang walay mga panghitabo nga natala sa dakbayan atol sa kalag-kalag.

Matud ni Police Senior Superintendent Rommel Cabagnot, director sa Lapu-Lapu City Police Office, nga walay mga krimen nga nahitabo atol sa kalag-kalag.