LTFRB nang-isyu og special permit
CEBU, Philippines - Alas kwatro kagahapon sa hapon, siyam ka operators ang nikuha og special permit sa buhatan sa Land Transportation Franchising and Regulatory Board aron makabiyahe sa dili nila rota atol sa kalag-kalag. Matud ni Emil Membrillas, assistant information officer sa LTFRB-7, nga pito ang nikuha og permit sa Cebu South Bus Terminal diin usa ang multicab, duha ang bus ug duha ang PUJ samtang duha sa North Bus Terminal nga naglangkob sa usa ka bus ug usa ka PUJ.
Gawas sa pag-isyu og special permit, nipahigayon usab og pakisusi ang mga sakop sa LTFRB sa mga terminal batok sa overloading.
Gitug-an ni Membrillas nga laing kolorum nga sakyanan na sab ang ilang nadakpan gumikan kay namasahero nga walay prangkisa.
Ang sakyanan gimaneho ni Niño Anthony Pronda nga gipanag-iya ni Betsy Rose Garife. Dugang ni Membrillas nga nag-pick-up si Pronda og pasahero gikan sa New Era Drive sa Mabolo padulong sa NBT hinungdan nga ilang nadakpan ug gi-turnover sa Land Transportation Office. (BANAT NEWS)
- Latest
