Labor group wala mabalaka sa China
CEBU, Philippines - Wala mabalaka ang usa ka daku nga labor group sa nasud sa posibleng pag-abot sa mga Chinese workers nga makigkompetinsiya sa mga Filipino alang sa local job opportunities isip resulta unya sa gipaabot nga proyekto sa China ug investments subay sa upat ka adlaw nga state visit ni Presidente Rodrigo Duterte didto sa Beijing, China karong semanaha.
Hinuon ang Associated Labor Unions kon ALU, malaumon nga si Duterte ug ang iyang economic cluster team makadani og mga Chinese infrastructure project ug investment nga makahatag unya og desente, kalidad ug permanente nga trabaho alang sa gibanabana nga 10.4 milyones nga mga pinoy nga walay trabaho.
Nasayran nga sa January 2016 Labor Force Survey, ang Philippine Statistics Authority (PSA) niingon nga adunay 7.881 milyones nga unemployed ug 2.468 milyones ka Pinoy nga underemployed.
Bisan og wala gidili nga makatrabaho sa nasud ang mga foreign workers apan ang pagdagsa sa kamauhan ug propesyon, gidumala ug gi-regulate sa Department of Labor and Employment (DOLE) Department Order No. 146-15 series of 2015 o ang Revised Rules for the Issuance of Employment Permits to Foreign Nationals. (BANAT NEWS)
- Latest
